Posts

मन

Image
 Kabhi kabhi bas man nhi lagta Kisi bhi cheej me Man rone ko krta hai Bheed se bhaagne ko krta hai Logo ke beech rehte hue bhi akelapan lagta hai Kabhi kabhi bas man nhi lagta Man krta hai rone ko Jor jor se sisakne ko Man krta hai chlte chlte baith jaau Man krta hai phoot phoot ke rone ko Kabhi kabhi bas man nhi lagta Man krta hai un logo ko yaad krne ko jo bichhad gye Man krta hai ateet me jaakar kuch galtia sudharne ko Man krta hai apne andar ki shaanti mitaane ka Kabhi kabhi bas man nhi lagta Logo ko lagta hoga heartless hu mai Sahi aur galat logo ko nhi pehchaanti bewakoof hoon mai Kaash mai bta paati heartless banne ka natak karna kaafi kathin hota Darti hu apne chahne valo ka dil dukhane se Par ye sab batane ka bhi bas man nhi karta Kabhi kabhi bas man nhi lagta
Post a Comment
Read more

Mohabbat

Image
 Kabhi sochte hoge tum ki mai tumse kitni mohabbat krti hun toh jaan lo- Itni ki apni mohabbat se tumhe baandhna nhi chahti hu mai Itni ki shabdo me bayan kar paana namumkin hai Meri ankho se pehchan sako toh pehchan lena kyunki apni muhabbat khule aam dikhakar iski value nhi kam Krna chahti mai Itni ki tumhe ye batane se bhi dar lagta hai ki I love you, kahi tumhare chehre ki ronak na chli jaaye ye sochkar dar jaati hu Rok leti hu khud ko Ishq me beh jaane se kyunki tumko behta hua nhi dekh sakti Itni ki tumhari khushi ya asaani ke liye tumhare taraf jaane vale saare raste lena band kar deti hu Kahi tumpar bojh na ban jaau isliye ek ghanta roj jyada padh leti hoon Darti hu tumhari acchaio se kyunki hai mujhme bahut si buraiyaan  Shayad isliye mai khud ko jabardasti tumse alag kar leti hoon..
Post a Comment
Read more

Andhera

Image
Ab Andhera Pasand aane lga hai mujhe  Accha lgta hai andhere me khud se Milna...aur baate Krna... Chupke se rona aur phir khilkhilake hasna Kisi baat ka dar na hona , any thing you can do without filters... Aisa lgta hai maano kisi ne kaale rang ka naqab  lga diya ho reality ruk si gyi ho Andhere me dil ko bhi andhera kar sakti hu..andhere ki parchhai me ateet ka pratibimb  bhi dekhne ko mil jaata... Ankh band krke dil unhi sunhere yaado me kho jaane ko krta Par tabhi mere dost alarm baj jaata..aur khud ko khud se hi alag krne ka samay ho jaata... Ab us andhere ke upar ek aur hasta hua naqab lagana padega... shayad isliye ab roshni se jyada andhera pasand aane laga hai mujhe.  
Post a Comment
Read more

Am I Independent?

Image
 Independent bante bante  Pta hi nhi chala kab emotions se Independent ho gyi I can manage kehte kehte Andar hi andar ghoot ghoot ke jeena seekh gyi Dil ke upar itni parte pad gyi Ki feeling less sa feel krne lagi Sab kuch khud sambhalte sambhalte Shayad khud ko hi sambhalana bhool gyi Sab kuch fix karte karte unfixed emotions ko bhi fix krne lagi  Aur phir bhi I am Independent bolna na bhooli Phir ek din kisine dheeme swar me pooch liya Are 'you' okay? Phir kya tha chhup kar phoot phoot kar rone lagi Par aansu ponch 'I am Independent' kehna na bhooli!
Post a Comment
Read more

ISHQ

 KISI NE POOCHA AISA KYA DIKHA USME MAI UNHE KAISE BTAU KI MUJHE KYA KYA NHI DIKHA USME USKI CHUPPI , USKI MAND MAND MUSKAN USKA YUN CHUPKE SE NIHARNA PHIR EKDUM ANJAN BAN JAANA USKE PYAAR KE DO BOL..KABHI KUCH NA KEHNA PAR PHIR BHI SAB KUCH KEH DENA USKA YUN BECHAIN HONA AUR EK BAAR NIHARNE KE BAAD SHAANT HO JAANA USNE MUJHE SIRF IMPRESS NHI KIYA THA BALKI APNI LAGATAR MEHNAT SE JEET LIYA MERE DIL KO USKA CHUP CHAP SE IDHAR UDHAR KHADE HONA AUR PHIR NEECHE DEKHKE SHARMAATE HUE HASNA HAYE🙈!... SACH BOLUN TOH USNE MUJHE EK PURUSH KI SAHI DEFINITION SIKHA DI KAUN KEHTA HAI KI PURUSH SIRF EGOISTIC HOTE...KOI MUJHSE POOCHO JAB LAAKH IGNORE KRNE KE BAAD BHI JO LADKA TAS SE MAS NA HO SKA VO HOTA HAI ASLI 'MAN' AUR KYA KYA BATAU USKE BAARE ME VO EK JEETA JAAGTA UPANYAS HAI JISKO BAITHKAR MAI EK EK PANNE PALATKAR PADHNA CHAHTI HU PHIR BHI AGAR TUM POOCHTE HO KI MUJHE USME KYA DIKHA TOH MERE DOST SOORAT TOH BAHUT CHHOTI CHEEJ HAI MAI TOH USKE SEERAT SE ISHQ KAR BAITHI.....🙈..
Post a Comment
Read more

Sapne hi nhi dekhti

 Sapne nhi dekhti ab jyada, Ya yun kahun-unke tootne se darti hoon Sab kuch jaise sapna hi lgta hai, Waqt ki seedhi chadhti jaati hoon-bas kuch na kuch krti rehti hoon Deadlines khatam hoti hain, Par kaam poora krke bhi Khushi nhi milti Bahar jaana, holidays- Kuch bhi ab bulata nhi, Kyunki pata hai lautna toh kaam par hi hai Reels bhi nhi dekhti ab, Real life face krni hoti hai Pyaar se isliye darti hoon, Kyunki agar ek baar gir gyi, Toh shayad real duniya sambhal na paun Isliye-  Sapne hi nhi dekhti main.... (Please do comment, ur words are important to me🌻💛!)
Post a Comment
Read more

Aansu

 Aansu..aajkal jyada hi bahne lage hai Sote, jaagte , padhte ya kisi aur se baat krte Rokna mushkil ho jaata hai kabhi kabhi Man krta hai kisi andhere kamre me sama loon khud ko Bahari duniya se dar lagne laga hai Bahar ki roshni dil ke saare raaj na khol de isse dar lagne laga hai Kahi vo saksh na mil jaaye jise bhoolane ke liye dimag bahut sare jatan kr rha Aur in sab me ek cheej jo humesha saath rehti vo hai aasu..jo aajkal jyada hi bahne lge hai Kahi mere upar itna water waste krne ka fine na lg jaaye Ye soch kabhi kabhi has deti hu..par ek baat kahu aansu meri hasi ko bhi bheega deta aur tootkar rone ko majboor kr deta hai....
Post a Comment
Read more