"PANKTI", that we feel yet can't express.Its an attempt to explain the unexplained

 Sapne nhi dekhti ab jyada, Ya yun kahun-unke tootne se darti hoon Sab kuch jaise sapna hi lgta hai, Waqt ki seedhi chadhti jaati hoon-bas kuch na kuch krti rehti hoon Deadlines khatam hoti hain, Par kaam poora krke bhi Khushi nhi milti Bahar jaana, holidays- Kuch bhi ab bulata nhi, Kyunki pata hai lautna toh kaam par hi hai Reels bhi nhi dekhti ab, Real life face krni hoti hai Pyaar se isliye darti hoon, Kyunki agar ek baar gir gyi, Toh shayad real duniya sambhal na paun Isliye-  Sapne hi nhi dekhti main.... (Please do comment, ur words are important to me🌻💛!)

 Aansu..aajkal jyada hi bahne lage hai Sote, jaagte , padhte ya kisi aur se baat krte Rokna mushkil ho jaata hai kabhi kabhi Man krta hai kisi andhere kamre me sama loon khud ko Bahari duniya se dar lagne laga hai Bahar ki roshni dil ke saare raaj na khol de isse dar lagne laga hai Kahi vo saksh na mil jaaye jise bhoolane ke liye dimag bahut sare jatan kr rha Aur in sab me ek cheej jo humesha saath rehti vo hai aasu..jo aajkal jyada hi bahne lge hai Kahi mere upar itna water waste krne ka fine na lg jaaye Ye soch kabhi kabhi has deti hu..par ek baat kahu aansu meri hasi ko bhi bheega deta aur tootkar rone ko majboor kr deta hai....

 Tera khyal aa hi jaata hai Kitna bhi khudse jhoot bolu Par phir bhi tu mere man me Ek chhap chhod hi jaata hai Tera khyal aa hi jaata hai, Pta hai ab vkt gujar chuka hai In sab baato ke liye, Par phir bhi Sapno me tera  Saath mil hi jaata hai Tera khyal aa hi jaata hai Baar baar dil teri khairiyat Janna chahta hai, Teri shararato par tahake  Mar ke hasna chahta hai Tera khyal aa hi jaata hai Tera naam bhi jubaa pe  Lane se dil ghabrata hai Kahi phir ishq  na kar bhaitu Isse mera man dar jaata hai Tera khyal aa hi jaata hai Dil tere saath vahi purane Vkt gujarne ko kehta hai Par dimag move on krne  Ko kehta hai Is dil aur dimag ke jang me bhi, Tera muskuraata hua chehra najar Aa hi jaata hai Teri bas ek mulakat ke liye Ye dil tarasta hai Han mujhe pta hai ye dil Ek mulakat ko janm bhar saath  Me badalna chahta hai Par kya karun? Tera khyal aa hi jaata hai....

 Ek din jab subah sooraj ki lalima ankho par padi  Toh na jaane kyu mere adhure lakhsya meri ankho ke samaksh aa gye  Kuch sapne the mere bhi unhe pankh dena chahti thi mai bhi Lekin ab kaha dhundhu unhe mai , daudkar gyi almari ke paas ki kahi mere sapne mujhe mil jaaye  Sapne toh na mile sab us laal saree ke neeche jo dab gye the Vakt aage nikal chuka tha aur meri umr bhi Lekin mere sapne vahi ke vahi the aur meri chah Khidki ke paas ek baar phir sapne ki talash me apne aap ki talash lene gyi toh ekdum se darwaze par kisi ne awaaz lagai Sapna jaldi karo Rohan ka pariwar aa gya hai ,aur phir kya tha... Us saree se maine apne aapko lapet liya jo kahi na kahi mere khoye sapne ki ghunegar thi aur vo log jo aaj mere sapno ki boli lagane aaye the... Bechare mere sapne....

Love is beautiful for all those who can afford it, But for some, it comes at a heavy cost For those too busy to check their phone, Too focused to let their dreams get lost They can't afford to lose sight of present, chasing the future like the fairy tale They move forward, uncertain of their stop,on a path where pauses often derail With great responsibilities and families to care for, Every moment becomes precious and rare They can't indulge in mindless talk,when every minute demands their care For them , love is a fleeting dream ,a glowing light they can't seize They rise again , driven by their purpose, striving for dreams, but never at ease Love is beautiful for those who can afford it,but for others , it remains a distant beam.

 Kahi is bheed bhaad ki duniya me kho na jaaun mai          Apni ijjat ko bachate bachate  kahi apne lakshya se bhatak na jaaun mai Pariwar ka maan rakhte rakhte kahi apne sapno ke pankh khud na kaat du mai Dusro ki sunte sunte kahi apne dil ki na sunna band kr du mai Sanskari bante bante kahi apna astitva khud na kho du mai Apne aapko kisi aur ke havale karte karte kahi apne aap ko na kho du mai Kahi is bheed bhaad ki duniya me kho na jaaun mai..